Friidrettsgruppa har i 2010 hatt 88 medlemmer i friidrettsgruppa. Dei fleste er mellom 6-10 år. Dessverre gav alle dei eldste 14-15 åringane seg til sommaren.

Gruppa har hatt lav stemneaktivitet i 2010.

Organisering:

Friidrettsgruppa har vore leia av Nina Møgster. I styret sitt i tillegg Hilde Elisabeth Økland, Hege Austevoll og Steinar Hole.

Trenarsituasjonen har vore bra dette året. I tillegg til Nina Møgster har me hatt Regina Njåstad Vestrheim, Helge Vestrheim, Alf Helge Møgster.

Arrangement:

Av eigne arrangement har me Austevoll meisterskapet i Juni.

I september hadde me Austevoll løpet som i år gjekk i traseen med start ved brua på Hundvåkøy og målgong på Eidsbøen. I år skulle me i samarbeid med Austevoll sokneråd ha sports gudstenesta på Hundvåkøy Kunstgras, men pga dårleg ver ble den flytta til Hundvåkøy Kyrkje. Mange ville vera med på turen over bruene, og det ble ny deltakar rekord med 253 deltakarar. Hillgunn Lo og Helge Vestrheim ble vinnarane av kvar sin klasse.

Austevoll karusellen ble i år og avhald første Onsdag i kvar mnd, med unntak av Juli gjennom heile året.

Deltakinga har vore sånn passe i 2010 og.

Elles så ser det ut til at friidrett har ei aukande interesse i Austevoll. Hallen er full av ivrige friidrettsjenter og gutar kvar onsdag.

Me fekk i år endelig tildelt midlar til å reinsa løpebana på anlegget vårt. Den ble dessverre ikkje heilt bra, men bana er gamal, og etter alderen skulle den vert skifta ut..

Av dugnadsinnsats kan me nemna hallvakter, vakter på arrangement som klubben har hatt i tillegg til eigne arrangement.